ممكن حد يساعدنى ف حل؟؟؟؟؟؟

[عين ابوى]

انا عضوة جديده ف المنتدى
واتمنى الاقى حد يساعدنى الاقى حل لمشكلتى

انا من حوالى سنتين او اكتر كانت عندى شله واصحاب المهم من بينهم كان فيه شخص كنا اصحاب قوى وبعدين انا سافرت ولما رجعت من السفر بعد غياب حوالى 10 شهور صرحلى بحبه وانا كمان كنت ببادله نفس الشعور المهم جه يتقدملى ف البيت خالى رخم ف الطلبات شويه واهله اخدوها حجه واعترضوا عليا نهائيا عشان انا مغتربه وهما عايزينه يكون عايش جنبهم المهم طبعا هوه لما قالى انا انجرحت قوى ازاى ناس تعترض على حد من غير ميعرفوة ولا حتى يعرفوا اخلاقه لمجرد انه مغترب المهم انا هربت وسافرت انا مكش عندى مشكله ف انى ارجع مصر بس وقتها كنت مجروحه ومش عارفه اعمل ايه مرت الايام والشهور كنت بتعذب كل يوم اكتر من اللى قبله ومقدرتش انساه هوه اول يكلمنى كتير وانا كرامتى كانت واجعانى ومش كنت برد عليه وحتى لما يقابلنى صدفه على النت ويكلمنى كنت برد عليه جامد قوى كان جرحى عامينى المهم حصلت ظروف ليا ف مصر وكان لازم انزل لقيتنى نسيت كل اللى حصل وعايزة اشوفه باى طريقه لما كنت برة اتقدملى كذا حد بس كنت برفض من غير اسباب واكتشفت انى بجد مش شايفه غيرة وانى بحبه بجد مشكلتى انى سافرت ومش عارفه اعمل ايه عايزة اكلمه تانى وخايفه يكون نسينى او لقى حب تانى ممكن تساعدونى اعمل ايه

[عين ابوى]

محدش هنا يرد عليا

[وعد العيون]

اهلا عين ابوى
حبيبتى شوفى انا هقولك حاجة حاولى تنسى لانك طول مانتى عايزة تشوفيه تانى و تكلميه هترجعى تانى لنقطة البداية ونفس المشاكل القديمة ورفض ومش رفض وطلبات خالك وهتتجرحى تانى لانه الواضح انه مش قادر يقف قدام اهله واول ما اعترضو عليكى جه قالك دة معترضين ومعملش حاجة ولا حاول يتمسك بيكى

حبيبتى انسى وشوفى حياتك وانشاء الله بكرة احلا طول مانتى بخير
واوعى تشترى حد باعك يا (عين )
وفكرى كويس انه هوة ممكن يكون الوقتى عايش حياته ومش فى دماغه حاجة وانتى اللى متاثرة وواخدة كل حاجة على حساب نفسك

انسى يا عين وربنا يوفقك انا عارفة صعب بس هتنسى فى يوم من الايام وبكرة تقولى نور قالت

ربنا يوفقك يا جميل

[CasTeL]

السلام عليكم ورحمه الله وبركاته

أولا يا عيــن منوره المنتدى كله وأهلا بيكى أخت جميله لينــآ كلنــآ

...........

أولا يا عين .. الحكايه سهله إلى حدِ ما .. بالنسبه لإنك تتكلمى معاه تانى وتتقابلوا سوا ده مش فيه أى مشكله .. ومع احترامى لـ رأى وعــد العيوم حتى لو هوا عايش حياته وناسى كل شئ ..... مجرد فتح مجال للكلام ده فى حد ذاته خطوه كويسه ...

ومش تنسى .. ان أول عقبه قابلته كانت من طرفك إنتى ( خالك ) وهوا كـ شاب مش فى ايده حاجه خصوصا فى ظل الظروف دلوقتى ... واستسلامه لأهله كان ممكن يكون مش موجود .. لو كنتى فكرتى شويه ووقفتى فى صفه وحاولتى تساعديه ...

انا مش ضدك ... بس فى نفس الوقت مش معاكى ... ولا معاه

سيبى قلبك يحكم شويه ويتصرف .. ولو على كرامتك وعزه نفسك أنا مش بقولك قوليله انت هاتتقدملى بالعافيه .. بس افتحى المجال أدامه وبلاش العقبات المبكره دى اللى جاى أهم منها ..

ولو مش حصل أى تقدم من ناحيته من جديد انتى مش خسرتى حاجه .

بالعكس كسبتى صديق وإنسان رأيك فيه أنه كويس وده عالاقل و فى أبعد الاحتمالات ..

وفى النهايه القرار ليكى إنتى ودى مجرد أراء وإقتراحات ..

ربنا يوفقك يا عيــن .

[kenzy]

انا من رايى فكرى بقلبك وحكمى عقلك وانا مع راى كاسل متقفليش الابواب فى وشه لا جربى تانى وشوفى اذا كان هيتمسك بيكى ولا لا وساعتها هترسى على بر وربنا يوفقك يارب

[عين ابوى]

ميرسي ياجماعه على اهتمامكم والرد

[neverbroken]

ana mn ra2yee ya 3een ely mydwrsh 3aleky mdwareesh 3aleh
w lw kan by7bk kan w2f odam ahlo bgd w kan dwar 3aleky bs mn el wade7 en sha5syto da3efa odam ahlo w ente ba2a 3awzenek tb2y gamda keda w 3ala fekra 3mrk ma htnseh bas ensy 7obo